Hrísó- Kjötfarsið

                              

 

Stundum langar okkur í farsbollur, þessar sem þarf varla að tyggja. Ég hef ekki hugmynd um hvaðan þessi uppskrift er, en hún hefur líka örugglega eitthvað breyst hjá mér gegnum árin.

•  400 gr Kindahakk
•  1 og 1/2 dl rasp 
•  1 laukur
•  1 1/2 tsk, salt
•  1 tsk pipar ( ég nota sítrónupipar, hvítlaukspipar eða bara venjulegan. Allt eftir skapi)
•  1 egg
•  1 lambateningur
•  vatn

Ég set þetta allt saman í matvinnsluvél og set 2-3 dl af vatni.

Ég bæti vatni þangað til þetta er svona svipað og keypta kjötfarsið. Farsa alveg í spað eða þannig viljum við hafa þetta. 

Steiki bollurnar smá á pönnu og brúna þær. Skelli þeim svo í ofn á 180° í ca 30 mín.

Muna að setja bökunarpappír í ofnskúffuna þ.e.a.s. ef þið eruð jafn löt og ég og nennið ekki að hamast með stálullina til að þrífa hana almennilega😀